Federata e Sportit Shkollor të Republikës së Kosovës (FSShRK) ka bërë lansimin e programit kombëtar “Sport në shkolla” në Podujevë.
Në këtë event mori pjesë kryeministri i vendit, Albin Kurti, ministrat Hajrulla Çeku e Arbërie Nagavci si dhe kryetari i Podujevës, Shpejtim Bulliqi.
Me këtë rast, kryeministri i Republikës së Kosovës, Albin Kurti, gjatë një vizite në Podujevë tha se ky program synon ndërtimin e një shoqërie aktive dhe të
shëndetshme si dhe mirëqenien e të rinjve.
“Jemi mbledhur këtu së bashku për të shënuar fillimin e programit ‘Sport në Shkolla’, nismë kjo e cila synon fuqizimin e nxënësve dhe të rinjve tanë përmes ndërlidhjes së arsimit me sportin dhe të sportit me shëndetin. Mirëqenia e të rinjve është kryefjala e këtij programi”.
“Ministria e Kulturës, Rinisë dhe Sportit në bashkëpunim me Ministrinë e Arsimit dhe federatat sportive kanë hartuar programin ‘Sport në Shkolla’ i cili ka për qëllim ndërtimin e një shoqërie aktive dhe të shëndetshme”, u shpreh Kurti./Arbresh.info
Vranësira dhe reshje shiu, moti sot në Shqipëri
VV-ja vazhdon edhe sot mbledhjen e Këshillit të Përgjithshëm
Horoskopi ditor – Çfarë kanë parashikuar yjet për shen...
Moti për këtë të diel
Valverde pas ndeshjes: Nuk na intereson fitorja tani, me rën...
Hadar akuzon gjyqtarët pas humbjes ndaj Yllit, paralajmëron ...